Ágúst 2013

Ræktunarhryssurnar á Fornusöndum eru flestar kastaðar og margar komnar heim eftir vel heppnuð ástarævintýri með glæstum stóðhestum. Svarta Nótt frá Fornusöndum átti ekki folald í sumar, en hefur fest fang í sumar með sjálfum Spuna frá Vesturkoti. Hylling frá Hofi,  Frigg frá Ytri Skógum og Bylgja frá Fornusöndum fóru undir Þóroddssoninn Glæsi frá Fornusöndum í sumar, en hann fékk glæsilega bygginareinkunn 4 vetra í júní. Hylling átti í sumar folald með Kjerúlf frá Kollaleiru, Frigg kastaði brúnni hryssu undan Arði frá Brautarholti og Bylgja rauðri hryssu undan Klæng frá Skálakoti. Elding frá Fornusöndum eignaðist í sumar bleikan hest, undan Sæ frá Bakkakoti og Drottning frá Fornusöndum fæddi brúnan hest undan Verði frá Strandarhjáleigu. Drottning og Dimma frá Fornusöndum eru nú undir Safír frá Fornusöndum, en Elding hefur fest fang með ofurtöltaranum Andra frá Vatnsleysu. Glóð frá Njálsgerði kastaði í sumar brúnni hryssu undan Straumi frá Feti, en Kolfinna, Silvía og Björk frá Norður-Hvammi eru ekki kastaðar í byrjun ágúst.